All

NCC Mino Tangthu A Comzawngno (A Brief history of NCCY) Author: Noble Puchin ~2012 kum August ha in mino te khawmnak nei thei pan hung hi. Mah hun laih ah huaitu tih mi ngai um ngawl in a khawm thei zah no in khawm progam te bawl in khawm hung hi. Pa Bi in praise and worship la no te zilhnak nei in zil khawm duaduam hung hi. A can can ten Halkha tei khawmnak, Mindat tei khawmnak, le Tedim tei khawmnak te ah khawm sim in hawh lehcet hung hi. 2012 kum a bo tuk ten NCC Pawlpi upa ten thungaisung in mino te a muhno huaitu nei in khawmnak no a nei thei haw tale pha tuk hi tih a muh hawnak bangin 2012 christmas ceng, 2013 kum thak a hen ten pawlpi upa lungkimnak in mino huaitu tuk ten sak haw hi. ~2013 October ha ah FCC (Falam Christian Church) Pawlpi din in um a hih hang in 2013- 2014 sung aa mino huaitu dekli President le Vice President cu NCC pawlpi tul san haw hi. 2013 October pen 2014 September 12 tian cu mino President, Vice President te um ngawl in mino te cu pungman khawmnak nei thei leleng hung hi. NCC Pastor Nu Bawi i advise piaknak bangin 2014 September 13 ni mino khawm ceng ten President le Vice President ten lehnak nei hung hi. 2014 kum bo tian President ah Sen Kim le Vice President ah John Kim ten dehsak tuk in ten lehnak um hi. Kum bo tian sultuang, lamtuang no in Pathian hehpihnak tuah kalsuan thei hung hi. ~2015 pen 2019 tian cu huaitu term limit neih bangin term khat nung term khat thekdun zitzet hung hi. Covo vang sawngdun pepel in mai dehvo tek a zo tuk in hantiam tiptep hung hi. ~2020 kum thak ten pawl khennak hangin le Covid 19 tuah khawm theih ngawlnak hangin imah bawl thei ma hung hi. Mahhang in 2020 ca mino record nei ma hung hi. ~2021 kum thak pen pan Mino a um calam sungno pen huaitu a thak vilvel in ten lehnak um aa, atu ni tian Pathian hehpihnak tuah term neihmi bangkek in kalsuan thei hung hi. Tangthu a hih bangin tangthu sungah telh ngawltheihngawlmi cu huaitu a kua te kaw tihmi ngatkhum a um ten thukan nuam tu le thei nuam tu tei ca in thu le la zeibaihbel nak pakhat na hihi. 2013 – 2026 (kum13)tian NCC Mino huaitu tin ngatkhummi pawl te cu a nuailam ah zo suk pepel nung….